ბარსელონა სევილიას ერთ-ერთი ლიდერით ინტერესდება

La Gazzetta dello Sport-ის ინფორმაციით, ბარსელონა, სევილიას ერთ-ერთი ლიდერით, ლუსიენ აგუმეთი ინტერესდება.

22 წლის ფეხბურთელი ანდალუსიურმა კლუბმა იანვარში ინტერიდან ინათხოვრა, ზაფხულში კი €4 მილიონად შეიძინა. ახლა ის გუნდის ერთ-ერთი გამორჩეული მოთამაშეა.

ფრანგმა ნახევარმცველმა მიმდინარე სეზონში 17 მატჩი ჩაატარა. იგი ნახევარდაცვის ცენტრს შესანიშნავად აკონტროლებს და ბურთის განაწილების უნარი აქვს, რამაც ბარსას ყურადღება მიიპყრო.

მიუხედავად ამისა, უნდა აღინიშნოს, რომ აგუმეს ტრანსფერი მარტივი არ იქნება. სევილია ფეხბურთელის უფლებების მხოლოდ 50%-ს ფლობს და შეუძლია, მომავალ ზაფხულში €4 მილიონად კიდევ 40% იყიდოს, რაც "ბლაუგრანასთვის" საქმეს გაართულებს.

ამასთან, ბარსელონა კონკურენციის გაწევა არსენალისთვის მოუწევს, რომელიც ფრანგით ასევე ინტერესდება. გავრცელებული ცნობებით, ლონდონელთა თავკაცისთვის, მიკელ არტეტასთვის აგუმეს ტრანსფერი პრიორიტეტია, რადგან "მეთოფეები" ტომას პარტეის გრძელვადიან შემცვლელს ეძებენ.

აგუმე კამერუნშია დაბადებული, მაგრამ ახალგაზრდულ დონეზე საფრანგეთის ნაკრებს წარმოადგენს. მან კარიერა სოშოში დაიწყო, საიდანაც ინტერმა შეიძინა, რამდენიმე იჯარის შემდეგ კი, სევილიას მიჰყიდა.