ავტორიზაცია

ბარსელონა ცდილობს, ფატი წასვლაზე დაიყოლიოს - ფეხბურთელს სხვა გეგმები აქვს

ბარსელონა ცდილობს, ფატი წასვლაზე დაიყოლიოს - ფეხბურთელს სხვა გეგმები აქვს
თარიღი 02 ივნ 2023, 00:43
„ბარსელონა“ ცდილობს, ანსუ ფატი გუნდიდან წასვლაზე დაიყოლიოს.

Diario Sport-ის ინფორმაციით, კატალონიელებს ფეხბურთელის გაყიდვა სურთ, რადგან 30 ივნისამდე მინიმუმ ორი ფეხბურთელი ჰყავთ გასაყიდი. კლუბი 20 წლის შემტევზე ზეწოლას ახორციელებს, რომ წასვლა აიძულოს.

„ბლაუგრანა“ ფატის კარგ გასაყიდ აქტივად მიიჩნევს, რადგან ის გუნდში მნიშვნელოვან როლს არ ასრულებს და მომდევნო სეზონში კიდევ უფრო მცირე სათამაშო დროს მიიღებს. მისი წასვლა ფინანსური თვალსაზრისით არის აუცილებელი და მთავარი მწვრთნელი, ხავი ერნანდესიც არ არის აის წინააღმდეგი.

ფატის აგენტი, ჟორჟე მენდეში, ასევე ურჩევს ფეხბურთელს გუნდის შეცვლას, თუმცა თავად შემტევი „ბარსადან“ წასვლაზე კატეგორიულ უარს აცხადებს.

ვარაუდობდნენ, რომ ანსუ რუბენ ნევეშის ტრანსფერში იქნებოდა ჩართული, თუმცა მას „ვულვერჰემპტონში“ გადასვლა არ სურს და „ბარსაში“ დარჩენას ლამობს.