ბარსელონა თუ ბაიერნი? - დიოგუ კოშტამ გადაწყვეტილება მიიღო

ბოლო პერიოდში გავრცელებული ცნობებით, ბარსელონა მომავალ ზაფხულში მეკარის შეძენას აპირებს, ფავორიტი ვარიანტი კი დიოგუ კოშტაა.

მარკ-ანდრე ტერ შტეგენმა მძიმე ტრავმა მიიღო და საკითხავია, გერმანელი დაბრუნების შემდეგ როგორ ფორმაში იქნება. ვოიცეხ შესნის კონტრაქტი 2025 წლის 30 ივნისს ეწურება, ინაკი პენიას კი გუნდი ბოლომდე არ ენდობა.

მიუხედავად ამისა, Sport-ის ინფორმაციით, პორტუგალიელმა მეკარემ ბარსას შეატყობინა, რომ ბაიერნში გადასვლა აქვს გადაწყვეტილი. დიდი ალბათობით, "რეკორდმაისტერს" მანუელ ნოიერი დატოვებს, შესაბამისად, მიუნხენელებს კიპერი სჭირდებათ.

პორტუ მზადაა, კოშტა €40-50 მილიონად გაყიდოს, მიუხედავად იმისა, რომ მისი გამოსასყიდი €75 მილიონია.

დიოგუ ევროპაში ერთ-ერთი ყველაზე მოთხოვნადი მეკარეა. ბარსელონას დირექტორი, დეკუ იმედოვნებდა, რომ მას დაიმატებდა, მაგრამ, როგორც ჩანს, პორტუგალიელმა ფეხბურთელმა გადაწყვეტილება უკვე მიიღო.