ბარსელონა თუ პარი სენ-ჟერმენი? - ნეიმარი კარიერის საუკეთესო პერიოდს ასახელებს

ალ ჰილალის ბრაზილიელმა ფეხბურთელმა, ნეიმარ ჟუნიორმა კარიერის საუკეთესო პერიოდი დაასახელა.

"სპორტული თვალსაზრისით, საუკეთესო წლები პსჟ-ში გავატარე, მაგრამ, სამწუხაროდ, 3-4-თვიანი ტრავმები მქონდა, რაც მაწუხებდა. თუმცა, ფეხბურთის კუთხით, პარი სენ-ჟერმენის ნეიმარი ჩემს კარიერაში საუკეთესო ვერსია იყო," - განაცხადა ბრაზილიელმა.

ნეიმარი პარიზულ კლუბში 2017 წელს, ბარსელონადან გადავიდა. მან პსჟ-ში 173 მატჩი ჩაატარა, 118 გოლი გაიტანა და 77 ასისტი მიითვალა.

პარი სენ-ჟერმენს ნეიმარის ტრანსფერი €222 მილიონი დაუჯდა. ქომაგთა უმრავლესობა, შეიძლება ითქვას, ობიექტურად მიიჩნევს, რომ მისი პარიზული თავგადასავალი წარუმატებელი გამოვიდა, თუმცა, როგორც ჩანს, თავად ფეხბურთელი ასე არ ფიქრობს.