ავტორიზაცია
ბარსელონამ ახალი სეზონისთვის 5 კაპიტანი აარჩია
Jijantes-ის ინფორმაციით, ბარსელონამ 2024/25 წლების სეზონისთვის კაპიტნები აარჩია.
გუნდის კაპიტანი მარკ-ანდრე ტერ შტეგენია, ვიცეკაპიტანი რონალდ არაუხო გახლავთ, მე-3 კაპიტნის სტატუსი ფრენკი დე იონგს აქვს, მე-4 კაპიტანი რაფინია იქნება, მე-5 კი - პედრი.
როგორც წესი, გუნდებს 4 კაპიტანი ჰყავთ, თუმცა ბარსამ 5 კაპიტნის არჩევა გადაწყვიტა. გარდა ამისა, გასაკვირია, რომ სიაში რაფინიას ვხედავთ და ლევანდოვსკის - არა.
ასევე, უცნაურია, რომ ბრაზილიელი შემტევი პედრიზე წინ იმყოფება, რადგან ეს უკანასკნელი გუნდში რაფინიაზე 2 წლით ადრე მივიდა და მასზე ბევრად მეტი მატჩი აქვს ჩატარებული.
მიმდინარე სატრანსფერო ფანჯარაზე გუნდი მთავარმა კაპიტანმა, სერჟი რობერტომ დატოვა, რის გამოც კლუბს კაპიტნების სიის განახლება მართებდა.
