ბარსელონამ ესპანეთის სუპერ თასის ფინალში რეალ მადრიდი გაანადგურა (5-2) - ჰანსი ფლიკის პირველი ტიტული ბარსაში

ბარსელონამ ესპანეთის სუპერ თასის ფინალში რეალ მადრიდი 5-2 გაანადგურა და სეზონის პირველი ტიტული მოიპოვა.

მე-5 წუთზე კილიან მბაპემ ანგარიში გახსნა, მაგრამ ბარსა პირველივე ტაიმში 4-1-ს იგებდა - გოლები ლამინ იამალმა, რობერტ ლევანდოვსკიმ, რაფინია ბელოლიმ და ალექს ბალდემ გაიტანეს.

მეორე ნახევარში რაფინიამ ანგარიში 5-1 გახადა. 56-ე წუთზე ვოიცეხ შესნი მოედნიდან გააძევეს, ჰანსი ფლიკის გუნდი 10 კაცით დარჩა და როდრიგომ 1 ბურთი გაქვითა, მაგრამ მადრიდელებმა მეტი ვერ გაიტანეს და კატალონიური გრანდი ჩემპიონი გახდა.