ბარსელონამ Puma-სგან ახალი შეთავაზება მიიღო
გერმანული კომპანია Puma კატალონიურ "ბარსელონასთან" თანამშრომლობის დაწყებაზე მოლაპარაკებებს აწარმოებს.
როგორც Diario Sport-ი იუწყება, "ბლაუგრანამ" ახალი შეთავაზება მიიღო. პუმა მზადაა კატალონიელებს წელიწადში 120-140 მილიონი ევრო გადაუხადოს.
გარდა ამისა, კატალონიელებს შეუძლიათ ხელმოწერის ბონუსის სახით 100 მილიონი მიიღონ.
გერმანელი მწარმოებელი კონკურენციას Nike-ს უწევს. ამჟამად ბარსელონას სპონსორი ამერიკული კომპანიაა. Nike კატალონიელებს სეზონში 85 მილიონს უხდის და დაახლოებით 20 მილიონს ბონუსების სახით.