ბარსელონამ რონალდ არაუხოს ფასი დაადო

Cadena SER-ის ინფორმაციით, ბარსელონამ რონალდ არაუხოს ფასი დაადო: მსურველს კლუბს მის სანაცვლოდ €60-70 მილიონის გადახდა მოუწევს.

ბარსას ურუგვაელის შენარჩუნება ურჩევნია და მას ახალ კონტრაქტსაც სთავაზობს, მაგრამ ფეხბურთელი კატალონიურ გრანდს, ჯერჯერობით, არ პასუხობს.

"ბლაუგრანას" არაუხოს გაყიდვა ახლა სურს, რადგან ფეხბურთელს ამჟამინდელი ხელშეკრულება 2026 წლის ივნისში ეწურება და ზაფხულში მისი ფასი დაიკლებს.

რონალდის შეძენით იუვენტუსი ინტერესდება, მაგრამ იტალიურ კლუბს მისი იჯარით აყვანა უნდა, ბარსელონას კი - პერმანენტული ტრანსფერი.