ბარსელონამ, შესაძლოა, აარონ ვან-ბისაკას ტრანსფერი განიხილოს

CaughtOffside-ის ინფორმაციით, ჟოაუ კანსელუს ვერგამოსყიდვის შემთხვევაში, ბარსელონამ, შესაძლოა, აარონ ვან-ბისაკას ტრანსფერზე იფიქროს.

პორტუგალიელმა ფეხბურთელმა 2023/24 წლების სეზონი მანჩესტერ სიტიდან იჯარით ბარსაში გაატარა, მაგრამ, ფინანსური პრობლემების გამო, კატალონიური კლუბი მას, ჯერჯერობით, პერმანენტული ტრანსფერით ვერ იმატებს.

შესაბამისად, თუ კანსელუ კატალონიაში ვერ დარჩება, ბარსელონას ალტერნატიული ვარიანტის ძიება მოუწევს, ერთ-ერთი კანდიდატი კი სწორედ ვან-ბისაკაა, რომელსაც მანჩესტერ იუნაიტედთან კონტრაქტი 2025 წელს ეწურება. ამ ფაქტის გამო, შესაძლოა, "წითელმა ეშმაკებმა" აარონის თაობაზე მიღებული შეთავაზებები განიხილონ.

წყაროს ცნობით, გამორიცხული არაა, "ბლაუგრანას" რადარზე ემერსონ როიალი და არნაუ მარტინესიც გამოჩნდნენ.