ბარსელონამ, შესაძლოა, გიუნდოგანი გაყიდოს

კერი ჰაუს ინფორმაციით, სარფიანი შეთავაზების მიღების შემთხვევაში ბარსელონამ, შესაძლოა, ილქაი გიუნდოგანი გაყიდოს.

მომდევნო სეზონში, ჰანსი ფლიკის დანიშვნისა და დანი ოლმოს პოტენციური ტრანსფერის ფონზე, 33 წლის ფეხბურთელის როლი გაურკვეველია.

გიუნდოგანით არაბული, კატარული და თურქული გუნდები ინტერესდებიან, თუმცა თავად გერმანელს ბარსაში დარჩენა სურს.

ილქაის კლუბთან კონტრაქტი 2025 წელს ეწურება, მაგრამ მხარეებს ხელშეკრულების 1 წლით გახანგრძლივების ოფცია აქვთ.

გასულ სეზონში გერმანელი ბარსელონას ერთ-ერთი საუკეთესო ბომბარდირი იყო - მან 5 გოლი და 14 ასისტი მიითვალა. გიუნდოგანი ევროპის ჩემპიონატზეც შთამბეჭდავი იყო.