ავტორიზაცია
"ბარსელონას ჩვენი ფეხბურთელის შესაძენად მხოლოდ ერთი გზა აქვს", - ვილიარეალის ვიცე-პრეზიდენტი
როგორც ცნობილია, „ბარსელონა“ „ვილიარეალის“ მცველით, ხუან მარკოს ფოითით ინტერესდება.
თუმცა, „ყვითელი წყალქვეშა ნავი“ არგენტინელი მცველის გაყიდვას არ აპირებს და გუნდის ვიცე-პრეზიდენტმა, ხოსე მანუელ ლიანესმა ერთადერთი გზა დაასახელა, რომლითაც „ბარსელონას“ ფოითის შეძენა შეუძლია.
„ვილიარეალი ამისთვის მზად არ არის, „ბარსელონას“ ფეხბურთელში გამოსასყიდი თანხის გადახდა მოუწევს, რადგან გაყიდვის მოლაპარაკებებისთვის მზად არ ვართ, მითუმეტეს, ხუანის გაყიდვისთვის.“ - აღნიშნა ლიანესმა.
24 წლის ფოითი არგენტინული „ესტუდიანტესის“ აღზრდილია, 2017 წლის აგვისტოში ის „ტოტენჰემმა“ შეიძინა, 2020-ში ფეხბურთელი იჯარით „ვილიარეალში“ გადავიდა, რომელმაც შემდეგ მისი კონტრაქტი გამოისყიდა კიდეც.
