ბარსელონას ფრენკი დე იონგის გაყიდვა სურს

Sport-ის ინფორმაციით, ბარსელონას ხელმძღვანელობა სეზონის ბოლოს ფრენკი დე იონგის გაყიდვის მომხრეა, რადგან მან გაცემული ავანსები ვერ გაამართლა.

კატალონიურმა გრანდმა ნიდერლანდელ ფეხბურთელს კონტრაქტს გახანგრძლივებაზე თვეების წინ მიმართა და შეთავაზება გაუკეთა, მაგრამ მას კლუბისთვის არ უპასუხია. ბარსაში შიშობენ, რომ 2026 წელს ის გუნდს თავისუფალი აგენტის სტატუსით დატოვებს.

დე იონგი ბარსელონას სეზონში დაახლოებით €35 მილიონი უჯდება (ხელფასი, გადავადებული ანაზღაურება, სატრანსფერო თანხის ამორტიზაცია და პლუს აიაქსისთვის გადასახდელი ბონუსები). მისი პოტენციური წასვლა კლუბს FFP-სთან დაკავშირებული პრობლემების მოგვარებაში დაეხმარება.

ბარსელონაში იმასაც ფიქრობენ, რომ ნახევარდაცვაში პედრის, გავის, დანი ოლმოს, მარკ კასადოს, მარკ ბერნალის და ფერმინ ლოპესის ყოფნა საკმარისია.