ბარსელონას განცხადება: "მესის მამამ ლაპორტას უთხრა, რომ ბარსას შემოთავაზების მიუხედავად, ლეო ინტერ მაიამიში მიდის"

„ბარსელონამ“ ლეო მესის „ინტერ მაიამიში“ გადასვლისა და მიცემული ინტერვიუს შემდეგ, ჩაშლილი ტრანსფერის საკუთარი ვერსია წარმოადგინა.

„ხორხე მესიმ ლაპორტას უთხრა, რომ „ბარსასგან“ მიღებული შემოთავაზების მიუხედავად, ლეო „ინტერ მაიამიში“ გადადიოდა, მიუხედავად იმისა, რომ კლუბსაც და ლიონელ მესისაც ჰქონდათ სურვილი, ფეხბურთელს „ბლაუგრანას“ ფერები კიდევ ერთხელ მოერგო.

პრეზიდენტმა ლაპორტამ მესის გადაწყვეტილებას, ეთამაშა უფრო ნაკლებად მომთხოვ ლიგაში და ნაკლები ყურადღების ცენტრში, მიიღო და პატივი სცა.

ორივე, ლაპორტაც და ხორხე მესიც შეთანხმდნენ, რომ ერთად იმუშავებენ, სათანადო დამშვიდობების მოწყობაზე იმ ფეხბურთელისთვის, რომელიც „ბარსას“ ყოველთვის უყვარდა და ეყვარება.“, - ნათქვამია კლუბის განცხადებაში.