ავტორიზაცია
ბარსელონას გეგმა 2025 წელს: 2 ფეხბურთელის გაშვება და 2 პოზიციის გაძლიერება
ალბერტ ფერნანდესის ინფორმაციით, თითქმის გადაწყვეტილია, რომ 2025 წელს ბარსელონას ანსუ ფატი და ერიკ გარსია დატოვებენ - შესაძლოა, ისინი იანვარშიც კი გაყიდონ.
ეს ფეხბურთელები ჰანსი ფლიკის გეგმებში არ შედიან და ძალიან მწირი სათამაშო დრო აქვთ. აღნიშნული ტრანსფერები კატალონიურ გრანდს დანი ოლმოსა და პაუ ვიქტორის დარეგისტრირებაშიც დაეხმარება.
ამასთან, ზემოხსენებული ჟურნალისტის ცნობით, ბარსა მომავალ წელს მარჯვენა მცველისა და მარცხენა მცველის შეძენას გეგმავს. კლუბში ფიქრობენ, რომ ეს პოზიციები გასაძლიერებელია, რადგან ჰანსი ფლიკს ალექს ბალდესა და ჟიულ კუნდეს დასვენების საშუალება არ აქვს.
"ბლაუგრანა" რამდენიმე ვარიანტს განიხილავს. მარცხენა ფლანგისთვის იდეალური კანდიდატი ალფონსო დევისია, რომელიც ზაფხულში თავისუფალი აგენტი ხდება.
ფლიკს ჟერარ მარტინი, ექტორ ფორტი და სერჟი დომინგესი ჰყავს, მაგრამ ამ ეტაპზე მათ გამოცდილება აკლიათ.
