ბარსელონას მარცხენა ვინგერი სურს - პრიორიტეტული ვარიანტები ცნობილია

Mundo Deportivo-ს ინფორმაციით, ბარსელონა ისეთ მარცხენა ვინგერს ეძებს, რომელსაც გოლების გატანაც შეუძლია.

კატალონიური კლუბის რადარზე ალექსანდრ ისაკი, რაფაელ ლეაუ და ლუის დიასი არიან, თუმცა, ამჟამად, სამივე ფეხბურთელი ტიტულებისთვის იბრძვის და მათი იანვარში შეძენა რთული იქნება.

ბარსა ალტერნატიულ ვარიანტად მარკუს რაშფორდს განიხილავს. ინგლისელი ბოლო პერიოდში კარგად ვერ გამოიყურება, მაგრამ "ლურჯ-ბროწეულისფერები" წინა წლებში მის მიღწევებს აფასებენ.

ბარსელონას ტრანსფერებზე მუშაობა ჯერ არ დაუწყია, რადგან არ იცის, ზამთრის სატრანსფერო ფანჯარაზე რამდენის დახარჯვის საშუალება ექნება. თუ კლუბს შესაძლებლობა მიეცემა, ჟოან ლაპორტას ტოპ ფეხბურთელის ყიდვა სურს.