“ბარსელონას მდგომარეობას რომ ვუყურებდე, ეჭვები გამიჩნდებოდა” | რაფინია

ბარსელონას ერთ-ერთმა ლიდერმა, რაფინია ბელოლიმ დანი ოლმოსა და პაუ ვიქტორის რეგისტრაციის საკითხთან დაკავშირებით ისაუბრა.

“სიტუაცია რთულია. ვიმედოვნებ, პრობლემა მოგვარდება და ისინი თამაშს რაც შეიძლება მალე შეძლებენ.

შესაძლოა, ამან მომავალ ტრანსფერებზეც იმოქმედოს. სიმართლე რომ გითხრათ, სხვა გუნდში რომ ვიყო და ვხედავდე, რომ ბარსელონა ოლმოსა და პაუ ვიქტორს ვერ არეგისტრირებს, დავეჭვდებოდი, ეს კლუბი ჩემთვის შესაფერისი რამდენად იქნებოდა. თუმცა, როცა აქ მოვედი, ბარსას მდგომარეობაზე ვიცოდი, ბოლო მომენტამდე დავიცადე და არაფერს ვნანობ,” - განაცხადა ბრაზილიელმა.