"ბარსელონაში მეტი ტიტულის მოგება შეგვეძლო" | ლუის სუარესი

ლუის სუარესი ბარსელონაში გატარებულ დროზე ალაპარკდა და, მისი აზრით, მათ კიდევ არაერთი ტიტულის მოგება შეეძლოთ.

"ბარსას კიდევ მრავალი ტიტული უნდა მოეგო. იმ ერაში, რომელშიც ჩვენ ვიყავით, იყო თამაშები, სადაც ჩვენ ზედმეტად თავდაჯერებულები ვიყავით და ცუდად სრულდებოდა. ეს ჩვენ ძვირად დაგვიჯდა, რადგან უფრო მეტი ტურნირის მოგება შეგვეძლო. მე ყოველთვის ვოცნებობდი, რომ ბარსელონაში მეთამაშა. კატალონიელთა რიგებში გადასვლა ოცნების ახდენა იყო," - ლუის სუარესი.

ურუგვაელი ფეხბურთელი, "ბლაუგრანას" შემადგენლობაში, 2014-2020 წლებში ირიცხებოდა. ბარსას რიგებში მის ანგარიშზე 283 მატჩში 195 გოლი და 113 საგოლე გადაცემაა.