ბელგიური ფეხბურთის ამომავალი ვარსკვლავი მილანში ტრანსფერის დასაჩქარებლად დათმობაზე მიდის

"ბრიუგეს" ახალგაზრდა შემტევი ნახევარმცველი, შარლ დე კეტელარე "მილანში" გადასვლასთან არის ახლოს.

როგორც ცნობილი იტალიელი ჟურნალისტი, ნიკოლო სკირა იტყობინება, კლუბებს შორის მიმდინარე მოლაპარაკებები დასკვნით ფაზაშია, ტრანსფერი 35 მილიონ ევროდ ფასდება, ბონუსების ჩათვლით.

პროცესის გადასაჩქარებლად ფეხბურთელმა დათმობაზე წასვლა გადაწყვიტა და წლიური ხელფასის სახით 2,5 მილიონი ევროს ნაცვლად 2,2 მილიონს გამოიმუშავებს. კონტრაქტი 2027 წლამდე იქნება გათვლილი.

აღსანიშნავია, რომ 21 წლის ბელგიელი ამომავალი ვარსკვლავი "ბრიუგეს" აღზრდილია და პირველ გუნდში 2019 წლიდან ირიცხება.

გასულ სეზონში დე კეტელარემ ყველა ტურნირზე ერთად 49 მატჩი ჩაატარა, 18 გოლი გაიტანა და 10 შედეგიანი გადაცემაც ჩაიწერა საკუთარ აქტივში.

ორი უარის მიღების შემდეგ, მილანი არ ნებდება და ახალი, გაუმჯობესებული შეთავაზება გაამზადა