ავტორიზაცია
"ბევრი ცუდი მწვრთნელი მყოლია, მაგრამ ისტორიაში საუკეთესო ვარ" | კრიშტიანუ რონალდუ
ლეგენდარულმა პორტუგალიელმა ფეხბურთელმა, კრიშტიანუ რონალდუმ საინტერესო თემებზე ისაუბრა.
"ისტორიაში ყველაზე სრულყოფილი ფეხბურთელი ვარ. შეიძლება, ვინმეს პელე, მესი ან მარადონა ერჩივნოს - ეს მესმის და პატივს ვცემ, მაგრამ მე მჯერა, რომ საუკეთესო ვარ.
სწრაფი და ძლიერი ვარ, გოლების თავით გატანაც შემიძლია და მარცხენა ფეხითაც... ჩემზე სრულყოფილი არავინ ყოფილა.
ძალიან ცუდი მწვრთნელები მყოლია, ზოგიერთი მათგანი ფეხბურთის აზრზე არ იყო.
თუ 1000-გოლიან ნიშნულს მივაღწევ, შესანიშნავი იქნება... მაგრამ ამით შეპყრობილი არ ვარ და ჩემთვის მნიშვნელობა არ აქვს. ამაზე საუბარი ცოტათი მაბრაზებს. რიცხვები არ იტყუება. ისტორიაში საუკეთესო ვარ.
ლეო მესისთან კარგი ურთიერთობა მაქვს. დაჯილდოების ცერემონიის დროს მას ინგლისურიდან ვუთარგმნიდი კიდეც. ეს სახალისო იყო. ჯანსაღი მეტოქეობა გვქონდა.
ვინისიუსი ოქროს ბურთს იმსახურებდა, მაგრამ გაკვირვებული არ ვარ, რადგან ამ ჯილდომ თავისი ღირსება დაკარგა. მან ჩემპიონთა ლიგა მოიგო და გოლები გაიტანა.
რეალ მადრიდი ყოველთვის ჩემს გულში იქნება - ეს იყო გუნდი, რომელშიც უბედნიერესი ვიყავი. იქ ბევრ რამეს მივაღწიე, რასაც ხალხი არ დაივიწყებს," - განაცხადა რონალდუმ.
