"ბოდიშს ვიხდი!" - პაპუნაშვილმა ტორპედოს გულშემატკივრებს მიმართა

ეროვნული ლიგის პირველ ტურში ქუთაისის ტორპედო თბილისის დინამოსთან სტუმრად 0-4 დამარცხდა.

მატჩის შემდეგ სოციალური ქსელის მეშვეობით ქუთისელ გულშემატკივრებს გუნდის ახალწვეულმა გიორგი პაპუნაშვილმა მიმართა.

"პირველ რიგში მინდა ბოდიში მოვუხადო გულშემატკივრებს გუშინდელი მარცხისთვის, ჩვენ უნდა ავიღოთ პასუხისმგებლობა და გავაგრძელოთ წინსვლა. ამავდროულად, მინდა მხარი დავუჭირო უკრაინას და ვუსურვო მათ ძალა და მშვიდობა!," - წერს გიორგი პაპუნაშვილი სოციალურ ქსელში.

26 წლის ქართველი ნახევარმცველი ქუთაისის ტორპედოს 2022 წლის იანვარში ლიმასოლის აპოლონიდან თავისუფალი აგენტის სტატუსით შეუერთდა.

ქუთაისის ტორპედო მომდევნო მატჩს 4 მარტს, საკუთარ მოედანზე გორის დილას წინააღმდეგ გამართავს.

გიორბელიძე: "დამეხმარა ის ფაქტი, რომ ესპანეთის, ნიდერლანდებისა და შვედეთის ნაკრების წინააღმდეგ ვითამაშე"