ავტორიზაცია
ბრაზილიის საშინელი სტატისტიკა არგენტინასთან
დღეს, გამთენიისას, არგენტინამ ბრაზილიას 4-1 მოუგო და "სელესაოსთან" წაუგებელი სერია გააგრძელა.
აღსანიშნავია, რომ ბრაზილიას "ალბისელესტეს" წინააღმდეგ საშინელი შედეგები აქვს: "პენტაკამპეონებს" არგენტინასთან ბოლო 5 მატჩია, არ მოუგიათ - მეტიც, მსოფლიოს 3-გზის ჩემპიონებმა ამ 5 დაპირისპირებიდან 4 მოიგეს, 1 კი ფრედ დასრულდა.
ამასთან, ბრაზილიისთვის საუბედუროდ, ამ 5-მატჩიან მოუგებელ სერიაში შედის 2021 წლის კოპა ამერიკის ფინალიც, რომელიც მარაკანაზე გაიმართა. იმ დაპირისპირებაში ლიონელ სკალონის გუნდმა ანხელ დი მარიას გოლით იმარჯვა და "სელესაო" საკუთარ მიწაზე დაამარცხა.
ბოლო 5 მატჩი არგენტინასა და ბრაზილიას შორის ⤵️
2025: არგენტინა 4-1 ბრაზილია
2023: ბრაზილია 0-1 არგენტინა
2021: არგენტინა 0-0 ბრაზილია
2021: არგენტინა 1-0 ბრაზილია
2019: ბრაზილია 0-1 არგენტინა
გარდა ამისა, ბრაზილიამ, მუნდიალის შესარჩევ ეტაპზე, 4 გოლი ისტორიაში პირველად გაუშვა.
