ბრძოლა რაისისთვის: რატომ არჩია დეკლანმა ირლანდიას ინგლისი?

დეკლან რაისი, რომელმაც 2018 წელს ირლანდიის ნაკრებში ითამაშა, საბოლოოდ, ინგლისის ნაკრები აირჩია.

მიუხედავად იმისა, რომ რაისი ემოციურად ირლანდიასთანაა დაკავშირებული და 21-წლამდელთა ნაკრების რიგებში გატანილი გოლის შემდეგ ლოგოსაც კი აკოცა, თავისი ისტორული სამშობლოს ეროვნულ გუნდში თამაშზე უარი თქვა.

დეკლანის გადაწყვეტილებაში, ინგლისელთა მაშინდელმა მთავარმა მწვრთნელმა, გარეთ საუთგეიტმა მთავარი როლი ითამაშა, თუმცა ამის გამო მას ხშირად აკრიტიკებენ და ამბობენ, რომ რაისმა ინგლისი კომერციული ბენეფიტების გამო აირჩია.

ირლანდიის მაშინდელი მწვრთნელი, მიკ მაკკარტნი იმედოვნებდა, რომ გუნდს რაიკის გარშემო ააწყობდა და მას ნაკრების მომავალ კაპიტნადაც მოიაზრებდა, მაგრამ გაწბილებული დარჩა.

ამ დრომდე, "სამი ლომის" შემადგენლობაში რაისის ანგარიშზე 58 მატჩი და 3 გოლია.