BREAKING: ლეო მესის ბარსელონაში დაბრუნების მხოლოდ ერთადერთი გზა არსებობს - კატალონიელი ჟურნალისტი

დღეს, ლა ლიგის და „ბარსას" წარმომადგენლების შეხვედრა შედგა, რომელზეც განიხილებოდა, თუ რა გზით იქნებოდა შესაძლებელი „ბარსელონას" სახელფასო ჭერში ლეო მესის კონტრაქტის ჩასმაც.

საბოლოოდ, მხარეები შეჯერდნენ იმაზე, რომ „ბარსელონამ" რამდენიმე ფეხბურთელი საკმაოდ სწრაფად უნდა გაყიდოს და მესის კონტრაქტის დარეგისტრირებას მხოლოდ ამის შემდეგ მოახერხებს.

"სწრაფად" იმიტომ, რომ ლეო მესის დიდხანს ლოდინი არ უნდა და სურს, მისი მომავალი რაც შეიძლება მალე გადაწყდეს.

შესაბამისად, არგენტინელი გენიოსი „ბარსელონაში" მხოლოდ იმ შემთხვევაში დაბრუნდება, თუ დაიცდის. წინააღმდეგ შემთხვევაში, ლეოს „ბარსას" მაისურით კიდევ ერთხელ ხილვა უბრალოდ წარმოუდგენელი იქნება. ამჟამად, კატალონიურ გუნდში პესიმიზმი სუფევს. ისინი ფიქრობენ, რომ მესი დაცდას არ მოისურვებს.

„ბარსელონას" გარდა, არგენტინელ ათიანს საუდის არაბეთიდან და ამერიკიდან აქვს შემოთავაზებები.