ავტორიზაცია
BREAKING: ლუის სუარესი კარიერის იძულებით დასრულებაზე სერიოზულად ფიქრობს
TyC Sports-ის ჟურნალისტის, გერმან გარსიას ინფორმაციით, ლეგენდარული ფორვარდი ლუის სუარესი კარიერის დასრულებაზე სერიოზულად ფიქრობს.
"ელ პისტოლეროს" თავის ამჟამინდელ გუნდთან, ბრაზილიურ "გრემიოსთან" კონტრაქტი 2024 წლამდე აკავშირებს, თუმცა მან შესაძლოა წასვლა გაცილებით ადრე გადაწყვიტოს.
ჟურნალისტის ცნობით, სუარესის ტკივილი იმდენად დიდია, რომ მისთვის ყოველდღიურობაც კი ტანჯვად იქცა.
ამის მიზეზი კი ის არის, რომ სუარესს მუხლის ტრავმა სრული დატვირთვით ვარჯიშის და თამაშის შესაძლებლობას არ აძლევს, რის გამოც ფეხბურთელი კარიერის დასრულების გადაწყვეტილებას სრული სერიოზულობით განიხილავს.
თუ სუარესი საბოლოოდ ბუცების ლურსმანზე ჩამოკიდებას გადაწყვეტს, მან ეს შესაძლოა უკვე უახლოეს პერიოდში თავადვე დაადასტუროს.
