BREAKING: ვინისიუს ჟუნიორი ოქროს ბურთს ვერ მოიგებს

RMC Sport-ის ჟურნალისტის, ფაბრის ჰოკინსის ცნობით, ბრაზილიელი ფეხბურთელის გარემოცვაში ძალიან ცუდ განწყობაზე არიან, რადგან სჯერათ, რომ ვინი ოქროს ბურთის მფლობელი არ გახდება. მადრიდში ყველას ასეთი შეგრძნება აქვს.

მადრიდის რეალში დარწმუნებულნი არიან, რომ ვინისიუსი ოქროს ბურთს ვერ მოიგებს და, შესაძლოა, ცერემონია გამოტოვონ.

აღნიშნულ ინფორმაციას ესპანელი ჟურნალისტი ხოსე ლუის სანჩესიც ადასტურებს და დასძენს, რომ ოქროს ბურთს როდრი ერნანდესი მოიგებს. 

ეს ცნობები ძალიან მოულოდნელია, რადგან საკმაოდ დიდი ხნის განმავლობაში იწერებოდა, რომ ვინისიუსს ოქროს ბურთი უკვე მოგებული ჰქონდა.

ცოტა ხნის წინ ფაბრიციო რომანომაც დაადასტურა, რომ პარიზში მადრიდის რეალიდან არავინ გაემგზავრება - არც ვინისიუსი, არც ფლორენტინო პერესი, არც კარლო ანჩელოტი და არც ჯუდ ბელინგემი.