ავტორიზაცია
ბრედლი ბარკოლა 🆚 ხვიჩა კვარაცხელია — სტატისტიკური შედარება
მოგეხსენებათ, რამდენიმე დღის წინ ხვიჩა კვარაცხელია პარი სენ-ჟერმენში გადავიდა. ახალ კლუბში ქართველის მთავარი კონკურენტი ბრედლი ბარკოლა იქნება, რომელიც შესანიშნავად გამოიყურება.
გთავაზობთ მათ სტატისტიკურ შედარებას:
ბრედლი ბარკოლას ლიგა 1-ის მიმდინარე სეზონში 18 მატჩი აქვს ჩატარებული - მის ანგარიშზე 11 გოლი და 3 ასისტია; ფრანგმა ჩემპიონთა ლიგაზე 7 შეხვედრაში მიიღო მონაწილეობა - მის აქტივში 1 გოლია, რომელიც გუშინ, უმნიშვნელოვანეს მატჩში, მანჩესტერ სიტი გაუტანა. ამასთან, მან აღნიშნულ ტურნირზე 1 საგოლე გადაცემა გააკეთა; ბრედლიმ საფრანგეთის თასზე 2 მატჩი ჩაატარა, 1 გოლი გაიტანა და თანაგუნდელს 1 ბურთი გაატანინა; მას Trophée des Champions-ზე 1 შეხვედრა აქვს ჩატარებული, მაგრამ საგოლე მოქმედება არ ჰქონია; ჯამში, მიმდინარე სეზონში, ბარკოლას სტატისტიკა ასეთია: 28 მატჩი, 13 გოლი, 5 ასისტი.
ხვიჩა კვარაცხელიამ მიმდინარე სეზონში მხოლოდ ორ ტურნირზე ითამაშა: სერია A-ში ქართველმა 17 მატჩი ჩაატარა, 5 გოლი გაიტანა და 3 საგოლე გადაცემა ჩაიწერა, იტალიის თასზე კი 2 შეხვედრაში მიიღო მონაწილეობა და საგოლე მოქმედება არ აქვს. ზოგად მაჩვენებლებში, როგორებიცაა დრიბლინგი, დუელების მოგება, საგოლე მომენტების შექმნა, მოედანზე გატარებული წუთები და ა.შ., მათ თითქმის ერთნაირი შედეგები აქვთ.
ბარკოლას სტატისტიკა კარიერაში: 154 მატჩი, 33 გოლი, 32 ასისტი; კვარას სტატისტიკა კარიერაში: 224 მატჩი, 52 გოლი, 53 ასისტი. ბრედლი ნაკრებში: 11 მატჩი, 2 გოლი. ხვიჩა ნაკრებში: 40 მატჩი, 17 გოლი.
ტიტულები: ბარკოლა — ლიგა 1, საფრანგეთის თასი, საფრანგეთის სუპერ თასი (2x) | კვარაცხელია — სერია A, რუსეთის თასი, საქართველოს წლის საუკეთესო ფეხბურთელი (2020, 2022, 2023), ერთა ლიგის C დივიზიონის საუკეთესო ბომბარდირი (2022/23, 5 გოლი), ნაპოლის წლის საუკეთესო ფეხბურთელი (2022/23).
ფრანგს Transfermarkt-ი €65 მილიონად აფასებს, ქართველს კი - €85 მილიონად.
საბოლოოდ, შეიძლება ითქვას, რომ ლუის ენრიკეს მარცხენა ფლანგზე რომელიმე მათგანის ამორჩევა გაუჭირდება, მაგრამ საერთოდ არაა გამორიცხული, რომ ესპანელმა მწვრთნელმა ორივე ერთად ათამაშოს. ლუჩომ აღნიშნა კიდეც, რომ ხვიჩას ცენტრში, ცხრიანზე თამაშიც შეუძლია.
იხილეთ ჰითმეფი, რომელიც შიდა ჩემპიონატში ბარკოლასა და ხვიჩას მოედანზე გადაადგილებების არეალს გრაფიკულად გვიჩვენებს:
