ავტორიზაცია

ბრუნო ფერნანდეშისთვის ახალი კონტრაქტის შეთავაზება მანჩესტერ იუნაიტედის პრიორიტეტი არაა

ბრუნო ფერნანდეშისთვის ახალი კონტრაქტის შეთავაზება მანჩესტერ იუნაიტედის პრიორიტეტი არაა
თარიღი 19 ივნ 2024, 16:18
Manchester Evening News-ის ინფორმაციით, ბრუნო ფერნანდეშისთვის ახალი კონტრაქტის შეთავაზება მანჩესტერ იუნაიტედის პრიორიტეტი არ არის.

პორტუგალიელმა ინტერისა და ბაიერნის ინტერესი მიიპყრო. სხვა კლუბების დაინტერესებამ სატრანსფერო სპეკულაციები გამოიწვია, რაც, გარკვეულწილად, თავად ფეხბურთელის ქმედებებმა განაპირობა.

29 წლის ნახევარმცველმა მაისში თქვა: "აქ ვიქნები, თუ კლუბის გეგმებში შევდივარ. თუ მათ ჩემი დარჩენა არ სურთ, წავალ."

ფერნანდეშმა "წითელ ეშმაკებთან" ახალი ხელშეკრულება 2022 წელს გააფორმა, მაგრამ მისი დარჩენა მხოლოდ 1 წლით გახანგრძლივდა. პორტუგალიელის ამჟამინდელი კონტრაქტი 2026 წლამდეა (+1 წლის ოფციით) გათვლილი.

თუ მანჩესტერი ბრუნოს მიმდინარე ზაფხულში არ გაყიდის, წლის ბოლოს, შესაძლოა, მის აგენტს, მიგელ პინიოს ახალი კონტრაქტის თაობაზე დაუკავშირდეს.