ბუდუ ზივზივაძე მე-2 ბუნდესლიგის ტურის სიმბოლურ გუნდში მოხვდა

გერმანიის მეორე ბუნდესლიგის მე-14 ტურში "კარლსრუე" საკუთარ მოედანზე "ნიურნბერგს" დაუპირისპირდა.

მატჩი მასპინძელთა დამაჯერელებელი გამარჯვებით 4:1 დასრულდა.

საქართველოს ნაკრებისა და "კარლსრუეს" ფორვარდი ბუდუ ზივზივაძე შეხვედრაში 81-ე წუთზე ჩაერთო, როდესაც მისი გუნდი 2:1 იგებდა.

29 წლის ფორვარდმა 89-ე და 90+4 წუთებზე დუბლი გაიფორმა და საკუთარი გუნდის გამარჯვებაში მნიშვნელოვანი როლი ითამაშა.

ზივზივაძემ Sofscore-სგან 9.0 შეფასება დაიმსახურა და ტურის სიმბოლურ გუნდში მოხვდა.