ბუფონი: "ბრალდებები ფაშიზმში? არა, მე ანარქისტი-კონსერვატორი ვარ"
„პარმას“ 42 წლის გოლკიპერმა, ჯანლუიჯი ბუფონმა, ფაშიზმში ბრალდებას უპასუხა, რომელიც მას კარიერის საწყისი წლების შემდეგ სდევს თან.
პირველ წლებში ბუფონი 88-ნომრიანი მაისურით თამაშობდა და ბენიტო მუსოლინის - ფაშიზმის დამფუძნებლის ლოზუნგებს იყენებდა.
„ბოლო წლებში შეურაცხმყოფელი ბრალდებების სამიზნე ვიყავი. ვიღაცამ თქვა, რომ მე ფაშისტი ვარ და არც კი ვიცი, როგორ ვუპასუხო ამას, გარდა იმისა, რომ ყოველთვის ვამაყობდი ჩემი ქვეყნის წარდგენით.
როგორც ადამიანი და ქრისტიანი, მე მესმის და მჯერა, რომ შეჭირვებულების დახმარება - სწორია, თუმცა არ უნდა წარმოშვა კონფლიქტი იტალიელებსა და ემიგრანტებს შორის.
„თუ მაინც და მაინც პოლიტიკურ დონეზე უნდა დავახასიათო საკუთარი თავი, მაშინ ვიტყოდი, რომ მე - „ანარქისტი-კონსერვატორი ვარ.“ - ციტირებს ბუფონის სიტყვებს Tuttomercatoweb.
