ბუფონის საინტერესო პასუხი კითხვაზე: "რა გძულს საფეხბურთო სამყაროში ყველაზე მეტად?"
იტალიის ეროვნული ნაკრებისა და "იუვენტუსის" ყოფილმა გოლკიპერმა, ჯანლუიჯი ბუფონმა, რომელიც ამჟამად "პარმას" ღირსებას იცავს, განაცხადა, რომ ფეხბურთში პოლიტკორექტულობა სძულს.
– რა გძულს საფეხბურთო სამყაროში ყველაზე მეტად?
"ბანალურობა. ზოგადად, ეს მთლიანად ცხოვრებასაც ეხება. ჭკუიდან გადავყევარ. ინდივიდუალურობისა და დამსახურებებზე დაფუძნებული განსხვავებების მჯერა".
"გარდა ამისა, ვერ ვიტან პოლიტკორექტულობასაც... თუმცა, ალბათ, მეც ვიცავ მას. ამას იმისათვის ვაკეთებ, რათა სხვებისადმი უპატივცემულობა არ გამოივიჩინო".
"შეიძლება სიმართლეც უსიამოვნო და ზიანის მომტანი იყოს. და რადგანაც ეს ყველაფერი საჯაროდ ხდება, მთელი მსოფლიოს თვალწინ, ულამაზო გამოდის".
"ძირითადად ეს მემართება, როცა სხვა ფეხბურთელების შეფასებას მთხოვენ, მაღიზიანებს. ყოველთვის ერთი და იგივე უნდა თქვა, რათა უხეშად არ გამოგივიდეს", - ციტირებს 44 წლის კიპერის სიტყვებს France Football-ი.
