ავტორიზაცია
ბუფონმა იუვენტუსის ახალწვეული შეაქო: "მბაპესთან და ჰოლანდთან ერთად, საუკეთესო ახალგაზრდა ფეხბურთელია"
"პარმას" ლეგენდარულმა მეკარემ, ჯანლუიჯი ბუფონმა La Gazzetta dello Sport-თან ინტერვიუში დუშან ვლაჰოვიჩის ტრანსფერზე და პაულო დიბალას მდგომარეობაზე კომენტარი გააკეთა.
"ეს არის ყველაზე ლამაზი, ყველაზე დიდი და ყველაზე მოულოდნელი შენაძენი. ჰოლანდთან და მბაპესთან ერთად, ის მსოფლიოს საუკეთესო ახალგაზრდა ფეხბურთელია.
მას აქვს რაღაც განსაკუთრებული, განსხვავებული, რაღაც დიდი ცხრიანობისთვის. გამოსარჩევია მისი ევოლუციაც: ჩემს დროს ასეთი დინამიზმის მქონე 190 სმ სიმაღლის მოთამაშეები თითქმის არ არსებობდნენ.
რაც შეეხება დიბალას, პაოლოს დარჩენა რომ გადაეწყვიტა, დიდ საქმეს გააკეთებდა. ამას ფინანსურად რაიმეს დათმობითაც გავაკეთებდი, ოღონდ იმ შემთხვევაში, თუ თავს დაფასებულად ვიგრძნობდი", - განაცხადა ბუფონმა.
