ავტორიზაცია
ბუფონმა მსოფლიოს საუკეთესო მეკარეები დაასახელა: "თითოეულ მათგანს ერთ დონეზე ვაყენებ"
"პარმას" მეკარემ, ჯანლუიჯი ბუფონმა თავის მომავალზე ისაუბრა: "მექსიკაში ან აშშ-ში გადასვლა და ფეხბურთის თამაში მინდა. ეს ის გამოცდილებაა, რომლის მიღება მსურს.
ვნახოთ, რა მოხდება შემდეგ. არ ვიცი გავხდები თუ არა მწვრთნელი. მე ყოველთვის მინდა განვითარება. ის ფაქტი, რომ ჩემპიონთა ლიგა ვერ მოვიგე, მოსვენებას არ მაძლევს.
მე რომ ვიყო ამ თასის მფლობელი, მაშინ ალბათ დიდი მიზნები აღარ მექნებოდა, კარიერას დავასრულებდი. ვინ არიან ამ დროისთვის მსოფლიოს საუკეთესო მეკარეები?
ობლაკი, კურტუა, დონარუმა, ნოიერი, ტერ შტეგენი და ნავასი. მე მათ ყველას ერთ დონეზე ვაყენებ, მაგრამ ჯანლუიჯი დონარუმას შეუძლია დანარჩენების დაჩრდილვა. მას აქვს პოტენციალი, რაც მას სჭირდება", - თქვა ბუფონმა TUDN-თან ინტერვიუში.
ბუფონი: "როგორც მეკარე, ახლა ისეთი ძლიერი ვარ, როგორც არასდროს"
