ჩავი და ჰანსი ფლიკი ერთმანეთს შეხვდნენ

ბარსელონას ლეგენდა და ყოფილი მწვრთნელი, ჩავი ერნანდესი კლუბის ამჟამინდელ თავკაცს, ჰანსი ფლიკს შეხვდა.

ჩავის გერმანელთან კარგი ურთიერთობა აქვს. ისინი რამდენიმე კვირის განმავლობაში კონტაქტზე იყვნენ და შეხვედრაც დაგეგმეს.

"როცა გერმანიის ნაკრების მწვრთნელი ვიყავი, ჩავისთან კარგი ურთიერთობა მქონდა. ახლა სიტუაცია განსხვავებულია და მასთან საუბრამდე მოვიცადე. ინიესტას გამოსამშვიდობებელი ღონისძიებით ვისარგებლე და ჩავი ყავაზე დავპატიჟე," - განაცხადა ფლიკმა.

ჩავიმ ჰანსისთან გადაღებული ფოტო სოციალურ ქსელში გამოაქვეყნა წარწერით: "შენთან შეხვედრა დიდი სიამოვნებაა. წარმატებები, ჰანსი! Visca el Barça! 🔵🔴"