ჩავი ერნანდესმა რომა უარით გაისტუმრა

Corriere dello Sport-ის ინფორმაციით, მიმდინარე თვის დასაწყისში რომა ჩავი ერნანდესს დანიელე დე როსის შემცვლელად განიხილავდა, თუმცა ესპანელმა შეთავაზებაზე უარი თქვა.

ამავე წყაროს ცნობით, რომა უარით მილანის ყოფილმა მწვრთნელმა სტეფანო პიოლიმ და აიაქსის თავკაცმა ფრანჩესკო ფარიოლიმაც გაისტუმრეს.

საბოლოოდ, "ჯალოროსიმ" კლუბის დამრიგებლად ივან იურიჩი დანიშნა, რომელსაც ტორინოში, ვერონასა და ჯენოაში მუშაობის გამოცდილება აქვს.

რაც შეეხება ჩავის: კატალონიელი სპეციალისტი მილანს, აიაქსს, ჩელსისა და მანჩესტერ იუნაიტედსაც დაუკავშირეს, თუმცა ერნანდესს დასვენება სურს.