ჩავის ლევანდოვსკის გაყიდვა და დოვბიკის შეძენა სურდა

წყაროს ცნობით, ჩავის პოლონელი თავდამსხმელის გაყიდვა და მის შემცვლელად ჟირონას ფეხბურთელის, არტიომ დოვბიკის მოყვანა სურდა, თუმცა კლუბის ხელმძღვანელობამ რობერტის გაშვებაზე უარი განაცხადა. ამაში ბარსას პრეზიდენტ ჟოან ლაპორტასა და ლევანდოვსკის აგენტ პინი ზაჰავის კარგმა ურთიერთობამაც დიდი როლი ითამაშა.

ახლა კი, როცა ჩავიმ გუნდი დატოვა და ჰანსი ფლიკი მივიდა, სიტუაცია შეიცვალა. კატალონიური კლუბი ლევანდოვსკიზე იმედებს ამყარებს და წასვლა არც თავად ფეხბურთელს სურს. ამასთან, "ბლაუგრანას" დოვბიკისთვის 40 მილიონი ევრო არ აქვს.

ლევანდოვსკიმ ლა ლიგის გასულ სეზონში 35 მატჩში 19 გოლი გაიტანა და 8 ასისტი მიითვალა. ტურნირის ბომბარდირი 24 გოლით დოვბიკი გახდა.