ჩელსი ახალ მეკარეს ეძებს

გასულ სეზონში ჩელსის პირველი და მეორე მეკარეები ჯორჯე პეტროვიჩი და რობერტ სანჩესი იყვნენ, მაგრამ მომავალ სეზონში, შესაძლოა, სიტუაცია შეიცვალოს.

მიუხედავად იმისა, რომ ენცო მარესკას სანჩესი მოსწონს, გაურკვეველია, 2024/25 წლების სეზონში ის ნომერ პირველი კიპერი იქნება თუ არა, რადგან იტალიელ მწვრთნელს, როგორც ჩანს, მასთან დაკავშირებით ეჭვები აქვს. იგივე ვითარებაა პეტროვიჩის შემთხვევაშიც.

ამის ფონზე, ფაბრიციო რომანოს ინფორმაციით, ჩელსი ახალ მეკარეს ეძებს. ლონდონელებს ისეთი გოლკიპერი სურთ, რომელიც ფეხით კარგად თამაშობს - ეს მნიშვნელოვანი ფაქტორია.

"არისტოკრატები" ვილიარეალის მეკარეს, ფილიპ იორგენსენს დაუკავშირდნენ. შვედი ფეხბურთელი ტრანსფერზე თანახმაა.

ინგლისური კლუბის რადარზე მადს ჰერმანსენიცაა (ლესტერი), გიორგი მამარდაშვილი კი ამჟამად მათ სატრანსფერო სიაში არაა.