ჩელსი "ახალი ტიაგო სილვას" ტრანსფერზე მუშაობს

The Athletic-ის ინფორმაციით, ჩელსიმ აარონ ანსელმინოს თაობაზე ბოკა ხუნიორსთან მოლაპარაკებები დაიწყო.

19 წლის არგენტინელი ამპლუით ცენტრალური მცველია, მაგრამ ნახევარდაცვაში თამაშიც შეუძლია. ის ბურთის ფლობის უნარითა და საჰაერო დუელების მოგებით გამოირჩევა. აარონს ხშირად ტიაგო სილვას ადარებენ.

ჩელსიმ სწრაფად მოქმედება გადაწყვიტა, რათა სხვა ევროპულ გრანდებს დაასწროს. ანსელმინოს გამოსასყიდი თანხა £19.7 მილიონს შეადგენს.

აღსანიშნავია, რომ ინგლისურმა კლუბმა სამხრეთ ამერიკიდან ერთი ტალანტი უკვე გაიფორმა - "არისტოკრატებმა" £28.7 მილიონად (+ ბონუსები) პალმეირასის აწ უკვე ყოფილი ფეხბურთელი, ესტევან ვილიანი შეიძინეს.