ჩელსი სამუ ომოროდიონის ტრანსფერზე მუშაობს

ფაბრიციო რომანოს ინფორმაციით, ჩელსი მიმდინარე ზაფხულში ფორვარდის შეძენას გეგმავს. მათ სამუ ომოროდიონის სანაცვლოდ ატლეტიკოს €30+€10 მილიონი შესთავაზეს, მაგრამ მადრიდული კლუბისგან უარი მიიღეს.

წყაროს ცნობით, ლონდონელები დანებებას არ აპირებენ და ომოროდიონს სატრანსფერო პრიორიტეტად მიიჩნევენ. თუმცა, მისი გამოსასყიდი თანხა €80 მილიონს შეადგენს. "არისტოკრატები" ალტერნატიულ ვარიანტად ჯონ დურანს განიხილავენ და ასტონ ვილასთან მოლაპარაკებებს აწარმოებენ.

ატლეტიკოს ომოროდიონის გაყიდვა არ სურს და ინგლისელებს მისი ხელში იაფად ჩაგდება გაუჭირდებათ. თუმცა, დიდი ალბათობით, სარფიანი შეთავაზების შემთხვევაში, ესპანური კლუბი ტრანსფერს დათანხმდება.

20 წლის ფეხბურთელმა გასული სეზონი იჯარით "ალავესში" გაატარა და შესანიშნავად გამოიყურებოდა. ლა ლიგის 2023/24 წლების სეზონში, 35 მატჩში მის ანგარიშზე 9 გოლი იყო.