ავტორიზაცია
ჩელსის ფელიქსის შენარჩუნება სურს, ტრანსფერი ატლეტიკოს მოთხოვნებზეა დამოკიდებული
ლონდონის „ჩელსის" ჟოაო ფელიქსის შენარჩუნება სურს, რომელიც გუნდში სეზონის ბოლომდე იჯარით ასპარეზობს.
ფაბრიციო რომანოს ინფორმაციით, „ლურჯები" პორტუგალიელს ხანგრძლივვადიანი პროექტის ერთ-ერთ მთავარ წევრად მოიაზრებენ. კლუბში მისი თამაშზე გავლენით კმაყოფილები არიან.
თავად ფეხბურთელიც ისურვებდა ლონდონურ გუნდში დარჩენას. თუმცა, ტრანსფერი „ატლეტიკოს" მოთხოვნებზეა დამოკიდებული. დიდი ალბათობით, მოლაპარაკებები სულ მალე დაიწყება.
მიმდინარე სეზონში ფელიქსმა პრემიერ ლიგაში 10 მატჩის ჩატარება მოასწრო და ორი გოლი გაიტანა. მის საიჯარო ხელშეკრულებაში გამოსასყიდი თანხა ჩაწერილი არ არის.
