ავტორიზაცია
"ჩემი მომავალი მეტოქის ვინაობა მალე გეცოდინებათ" | ილია თოფურია
UFC-ის ქართველმა მებრძოლმა და ქვემსუბუქი წონის ჩემპიონმა, ილია თოფურიამ სამომავლო გეგმებზე ისაუბრა.
"არაფერს ვიტყვი, რადგან ორგანიზაციიდან ასე მთხოვეს, მაგრამ, ვიმედოვნებ, ჩემი მომავალი მეტოქის ვინაობა ცნობილი მალე გახდება. შესაძლოა, ეს მომავალ კვირაშიც კი მოხდეს.
წარმოიდგინეთ ბრძოლა ჩემსა და დასტინ პორიეს შორის - ის შესანიშნავი მებრძოლია, სიკვდილამდე იბრძვის. მახაჩევთან ბრძოლაც დიდებული იქნება, ჩარლზ ოლივეირასთან და ჯასტინ გეიჯთანაც. ბევრი ბრწყინვალე მებრძოლის დასახელება შემიძლია.
დაღესტნელები ცდილობენ, ადრეულ რაუნდებში მოიგონ, რათა იგრძნონ, რომ დომინირებენ, მაგრამ, როცა აანალიზებენ, რომ ასე არაა, უმეტეს შემთხვევებში, აგებენ. ისინი ყველა კონკურენტუნარიან ბრძოლაში წააგებენ," — განაცხადა "ელ მატადორმა".
მოგეხსენებათ, ილია თოფურიამ საჩემპიონო ბრძოლაში ალექსანდრ ვოლკანოვსკი დაანოკაუტა, შემდეგ კი მაქს ჰოლოუეის ასევე ნოკაუტით მოუგო და ქამარი დაიცვა.
ამის შემდეგ ბევრი დაიწერა იმაზე, რომ ქართველი წონას შეიცვლის და რუს ისლამ მახაჩევს დაუპირისპირდება - ისინი ერთმანეთის წინააღმდეგ თრეშთოქსაც ხშირად მიმართავენ. თუმცა, ჯერ ცნობილი არაფერია და, როგორც თავად ილია ამბობს, ყველაფერი მალე გვეცოდინება.
