ავტორიზაცია
ჩემპიონის მორიგი ტრანსფერი: ბათუმის დინამო პორტუგალიელ მეკარეს დაიმატებს!
საქართველოს მოქმედი ჩემპიონი ბათუმის "დინამო" ჩემპიონთა ლიგის პირველი საკვალიფიკაციო ეტაპისთვის გაძლიერებას აგრძელებს.
პორტუგალიელი ინსაიდერი სებასტიაო სოუზა პინტოს ინფორმაციით, "ტონდელას" 25 წლის მეკარემ რიკარდო სილვა კლუბთან მოქმედი ხელშეკრულება ურთიერთშეთანხმების საფუძველზე გაწყვიტა.
წყაროს ცნობით, მოთამაშემ ბათუმის "დინამოსთან" 2.5-წლიანი კონტრაქტი გააფორმა.
აჭარული გუნდი ჩემპიონთა ლიგის პირველ საკვალიფიკაციო ეტაპზე "ლუდოგორეცს" დაუპირისპირდება. პირველი მატჩი 10 ივლისს რაზგრადში გაიმართება.
