ჩემპიონთა ლიგა ბრუნდება — ატლეტიკო ლევერკუზენს უმასპინძლებს

განსაკუთრებულ ინტერესს მადრიდში გასამარტი შეხვედრა იწვევს, სადაც ატლეტიკო საკუთარ კედლებში ლევერკუზენს უმასპინძლებს და სატურნირო ცხრილში პოზიციების გაუმჯობესებას შეეცდება.

6 ტურის შემდეგ, დიეგო სიმეონეს გუნდს 12 ქულა აქვს და მე-11 ადგილზე იმყოფება, ხოლო ჩაბი ალონსოს გუნდმა 13 ქულის მოგროვება მოახერხა და მე-4 პოზიციას იკავებს. წინა მატჩში ლევერკუზენმა ინტერს 1-0, ხოლო ატლეტიკომ სლოვანს 3-1 მოუგო.

გუნდები ერთმანეთს ბოლოს 2022 წელს, ჩემპიონთა ლიგის ჯგუფურ ეტაპზე შეხვდნენ, სადაც ერთი ფრედ, 2-2 დასრულდა, ხოლო ერთი მატჩი ლევერკუზენმა სახლში 2-0 მოიგო. ბოლო 5 ურთიერთდაპირისპირებაში კი ლევერკუზენს მცირე უპირატესობა აქვს: 2 მოგება, 2 ფრე და 1 წაგება.

მონაკო V ასტონ ვილა (21:45)

ატალანტა V შტურმი (21:45)
ბენფიკა V ბარსელონა (23:55)
ატლეტიკო V ლევერკუზენი (23:55)
ლივერპული V ლილი (23:55)
ბრიუგე V იუვენტუსი (23:55)
ბოლონია V დორტმუნდი (23:55)
სლოვანი V შტუტგარტი (23:55)
ცრვენა ზვეზდა V პსვ (23:55)