ჩემპიონთა ლიგა | ინტერმა არსენალს სძლია, ბაიერნმა ბენფიკა დაამარცხა

"ნერაძურიმ" ჰაქან ჩალჰანოღლუს ზუსტი პენალტით არსენალს 1-0 სძლია, "რეკორდმაისტერმა" კი იდენტური ანგარიშით ბენფიკა დაამარცხა - ლისაბონელთა კარი ჯამალ მუსიალამ აიღო.

ინტერი 10 ქულით ჩემპიონთა ლიგის სატურნირო ცხრილში მე-5 ადგილზე იმყოფება, ბაიერნი კი 6 ქულით მე-17 პოზიციას იკავებს. არსენალი მე-12 ადგილზეა (7 ქულით), ხოლო ბენფიკა მე-19 პოზიციაზე გახლავთ (6 ქულით).

მომდევნო ტურში ინტერი ლაიფციგს დაუპირისპირდება, არსენალი - სპორტინგს, ბაიერნი - პარი სენ-ჟერმენს, ბენფიკა კი - მონაკოს.