ჩემპიონთა ლიგა: პენალტთან დაკავშირებული ყველანაირი რეკორდი

ხვალ სტარტს ჩემპიონთა ლიგა აიღებს, რომელიც ახალი ფორმატით ჩატარდება.

ჩემპიონთა ლიგაზე კრიშტიანუ რონალდუმ ლიონელ მესიზე ერთით მეტი, 19 პენალტი გაიტანა. ქვემოთ ევროპის უპრესტიჟულეს საკლუბო ტურნირზე პენალტთან დაკავშირებულ სხვა რეკორდებზე მოგიყვებით.

სიურპრიზი არაა, რომ ამ მხრივ ლიონელ მესი და კრიშტიანუ რონალდუ ლიდერობენ. არგენტინელმა პორტუგალიელზე ერთით მეტი, 23 პენალტი დაარტყა. მესამე ადგილზე რობერტ ლევანდოვსკი (17) იმყოფება, რომელიც ჩემპიონთა ლიგაზე ჯერ კიდევ თამაშობს და შანსი აქვს, ხსენებულ ორ ლეგენდას გადაასწროს.

აღსანიშნავია, რომ გაფუჭების გარეშე, ყველაზე მეტი პენალტი ტიმო ვერნერმა დაარტყა - 6/6.

როგორც ვთქვით, კრიშტიანუ რონალდუმ 19 პენალტი გაიტანა, ლეო მესიმ კი - 18. მესამე ადგილზე კვლავ ლევანდოვსკია (16).

ტიერი ანრის ჩემპიონთა ლიგაზე პენალტების გატანა საკმაოდ გაუჭირდა: ფრანგმა 8 მცდელობიდან მხოლოდ 3 გაიტანა (37.5%).

მესიმაც 5 პენალტი გააფუჭა, მაგრამ 23 დაარტყა, რაც ანრის შედეგზე ბევრად მეტია. სერხიო აგუერომ 15-დან 4 ვერ გაიტანა. ასევე 4 თერთმეტმეტრიანი გააფუჭეს ანტუსან გრიზმანმა და რუდ ვან ნისტელროიმაც.

რადამელ ფალკაომ ლა ლიგაში 16-დან 15 პენალტი გაიტანა, მაგრამ ჩემპიონთა ლიგაზე 3 მცდელობიდან ვერცერთი გაიტანა - კოლუმბიელმა გატანის გარეშე ყველაზე მეტი თერთმეტმეტრიანი გააფუჭა.

ჩემპიონთა ლიგაზე, რა თქმა უნდა, არაერთ ლეგენდარულ მეკარეს უთამაშია, მაგრამ აღებული პენალტების მხრივ მოწინავე ადგილზე ტოპ კიპერები არიან.

ანდრეი პიატოვმა და ჯო ჰარტმა 5-5 პენალტი აიღეს. უკრაინელმა მეკარეს 17 თერთმეტმეტრიანი დაურტყეს, ჰარტის შედეგი კი გამოსარჩევი იმიტომაა, რომ მან 5 პენალტი 9 მცდელობიდან მოიგერია, რაც ნიშნავს, რომ ინგლისელს პენალტების 55.6% აქვს აღებული.

იკერ კასილიასს 23 პენალტი დაურტყეს, რომელთაგანაც მხოლოდ 3 მოიგერია. სხვა ცნობილმა მეკარეებმა - ჯანლუიჯი ბუფონმა და გრეგორი კუპემ 4 თერთმეტმეტრიანი აიღეს.

მარკ-ანდრე ტერ შტეგენმა, რომელსაც 12 პენალტი დაურტყეს, ასევე 4 მოიგერია და კარგი შანსი აქვს, პიატოვის შედეგს მიაღწიოს.

გაშვების გარეშე ყველაზე მეტი პენალტი ბერძენმა მეკარემ, ანტონის ნიკოპოლიდისმა აიღო - ოლიმპიაკოსის რიგებში მას 2 თერთმეტმეტრიანი დაურტყეს და ორივე მოიგერია.

დიოგუ კოშტა იმითაა ცნობილი, რომ ჩემპიონთა ლიგაზე პირველი 3 პენალტი მოიგერია.

რაც შეეხება ერთ მატჩში აღებულ პენალტებს: 1 შეხვედრაში 2 პენალტი სამმა მეკარემ მოიგერია - ჯანლუიჯი ბუფონმა (დორტმუნთან, 1997 წელს), ჰანს-იორგ ბუტმა (ბორდოსთან, 2009 წელს) და სილვიო პროტომ (ოლიმპიაკოსთან, 2013 წელს). 

ვინ მოიპოვა ყველაზე მეტი პენალტი?

როგორც წესი, ამ მხრივ საუკეთესო შედეგები თავდამსხმელებს აქვთ. ჩემპიონთა ლიგაზე ყველაზე მეტი პენალტი (13) ლიონელ მესის მოუპოვებია, მეორე ადგილზე კი რუნ ვან ნისტელროია (9).

ერთ მატჩში მოპოვებული ყველაზე მეტი პენალტითაც მესი ლიდერობს - არგენტინელმა მანჩესტერ სიტის წინააღმდეგ 3 თერთმეტმეტრიანი მოიპოვა. ასეთი შედეგი ქარიმ ადეიემისაც აქვს, რომელმაც ეს სევილიასთან მატჩში შეძლო.

2023/24 წლების სეზონამდე ეს ანტირეკორდი ყველაზე პეპეს ეკუთვნოდა - პორტუგალიელმა 5 თერთმეტმეტრიანი "აიკიდა". მე-5 პენალტი მას 2020/21 სეზონში, პორტუსა და მანჩესტერ სიტის მატჩში, რაჰიმ სტერლინგმა გამოსტყუა. დანარჩენი 4 თერთმეტმეტრიანი პორტუგალიელმა ლეგენდამ რეალ მადრიდში თამაშისას "აიკიდა".

ახლა კი "რეკორდსმენი" ნიკოლას ოტამენდია, რომელმაც 2023/24 წლების სეზონში 2 პენალტი "აიკიდა".

სახალისო ფაქტია, რომ ჰანს-იორგ ბუტმა ჩემპიონთა ლიგაზე 3 პენალტი გაიტანა, სამივე იუვენტუსის კარში და თანაც, სხვადასხვა გუნდის მაისურით: 2000 წელს ჰამბურგის რიგებში, 2002 წელს - ლევერკუზენის, 2009 წელს კი ბაიერნის შემადგენლობაში. საბოლოო ჯამში, მან 4 პენალტი დაარტყა, მაგრამ ერთი გააფუჭა - 2001 წელს, ბარსელონას წინააღმდეგ.