ჩემპიონთა ლიგა | რეალ მადრიდის ბრწყინვალე ქამბექი ეტიჰადზე

პარი სენ-ჟერმენმა გასვლაზე ბრესტი ვიტინიასა და უსმან დემბელეს (2) გოლებით, 3-0 დაამარცხა. ხვიჩა კვარაცხელია თამაშში მეორე ტაიმში ჩაერთო.

რეალ მადრიდმა ეტიჰადზე საოცარი ქამბექი შემოგვთავაზა და, მიუხედავად იმისა, რომ ორჯერ აგებდა, მაინც მოიგო. ერლინგ ჰოლანდის პირველ გოლს კილიან მბაპემ უპასუხა, ნორვეგიელის დუბლის შემდეგ - ჯერ ბრაჰიმ დიასმა გაათანაბრა, ბოლო წამებზე კი ჯუდ ბელინგემმა კარლო ანჩელოტის გუნდს მოაგებინა — 3-2.

დორტმუნდმა ლისაბონში სპორტინგს მარტივად, 3-0 აჯობა. გერმანელთა მხრიდან გოლები სერუ გირასიმ, პასკალ გროსმა და ქარიმ ადეიემიმ გაიტანეს.

იუვენტუსმა ტურინში პსვ ეინდჰოვენს 2-1 სძლია. უესტონ მაკკენის გოლის შემდეგ, ივან პერიშიჩმა წონასწორობა აღადგინა, მაგრამ სამუელ მბანგულას დარტყმით "ბიანკონერიმ" იმარჯვა.

განმეორებითი მატჩები 1 კვირაში გაიმართება, მანამდე კი, ხვალ კიდევ 4 შეხვედრას ვიხილავთ.

21:45 | ბრიუგე 🆚 ატალანტა

23:55 | სელტიკი 🆚 ბაიერნი

23:55 | ფეინოორდი 🆚 მილანი

23:55 | მონაკო 🆚 ბენფიკა