ჩემპიონთა ლიგა: რეალ მადრიდმა ატლეტიკო გააგდო — ყველა 1/4-ფინალური წყვილი ცნობილია

თარიღი: 13 Mar 2025, 03:00

რეალ მადრიდმა ორმატჩიან დუელში ატლეტიკო დაამარცხა და 1/4-ფინალში გავიდა. კარლო ანჩელოტის გუნდმა პირველი შეხვედრა 2-1 მოიგო, გასვლაზე კი 0-1 წააგო, მაგრამ პენალტების სერიაში იმარჯვა.

დღევანდელ დაპირისპირებაში კონორ გალაგერმა გოლი პირველივე წუთზე, 28-ე წამზე გაიტანა და ატლეტიკომ ამ გოლით მოიგო. 120-წუთიანი ბრძოლის შემდეგ, საქმე პენალტების სერიამდე მივიდა, რომელშიც რეალ მადრიდმა მეტოქე 4-2 დაამარცხა. აღსანიშნავია, რომ "როხიბლანკოს" ერთ-ერთი თერთმეტმეტრიანის შესრულებისას ძალიან არ გაუმართლა - ხულიან ალვარესმა გაიტანა, მაგრამ მომენტის VAR-ზე გადამოწმების შემდეგ აღმოჩნდა, რომ არგენტინელს ბურთი მეორე ფეხზეც შეეხო და პენალტი გაუქმდა.

ატლეტიკო 1-0 (2-2) რეალ მადრიდი | პენ.: 2-4

გოლი: გალაგერი 1'

პენალტების სერია:

⚽ 1-0, მბაპე (რეალ მადრიდი)

⚽ 1-1, სორლოტი (ატლეტიკო)

⚽ 2-1, ბელინგემი (რეალ მადრიდი)

❌ ალვარესი (ატლეტიკო)

⚽ 3-1, ვალვერდე (რეალ მადრიდი)

⚽ 3-2, კორეა (ატლეტიკო)

❌ ვასკესი (რეალ მადრიდი)

❌ ლიორენტე (ატლეტიკო)

⚽ 4-2, რიუდიგერი (რეალ მადრიდი)

დღეს შემდეგი ეტაპის საგზური ასევე მოიპოვეს: დორტმუნდმა, არსენალმა და ასტონ ვილამ.

1/4-ფინალური წყვილები:

არსენალი 🆚 რეალ მადრიდი

პარი სენ-ჟერმენი 🆚 ასტონ ვილა

ბარსელონა 🆚 დორტმუნდი

ბაიერნი 🆚 ინტერი

პირველი მეოთხედფინალური დაპირისპირებები 8 და 9 აპრილს გაიმართება, განმეორებითი მატჩები კი 15 და 16 აპრილს ჩატარდება.