ჩემპიონთა ლიგა: სელტიკს ბაიერნთან დაიზენ მაედას გოლი არ ეყო

სელტიკმა გლაზგოში ბაიერნს უმასპინძლა და 1-2 წააგო. მატჩის დაწყებიდან რამდენიმე წამში ნიკოლას-გერიტ კიუნმა გაიტანა, მაგრამ თამაშგარე მდგომარეობის გამო გოლი გაუქმდა. პირველი ტაიმის მიწურულს მაიკლ ოლისემ უძლიერესი დარტყმით კასპერ შმეიხელის კარი აიღო და თავისი გუნდი დააწინაურა, მეორე ნახევრის სტარტზე კი ჰარი კეინმა უპირატესობა გაზარდა. 79-ე წუთზე დაიზენ მაედამ მანუელ ნოიერს გაუტანა და სიტუაცია დაიძაბა, თუმცა "კელტებმა" მეტოქის კარის ბადე მეტჯერ ვეღარ შეარხიეს.

ფეინოორდმა ამსტერდამში მილანი მიიღო და 1-0 დაამარცხა. მე-3 წუთზე, ნიდერლანდელთა ბრაზილიელმა ლეგიონემა, იგორ პაიშაომ გაიტანა, რის შემდეგაც "როსონერიმ" ანგარიში ვერ გაათანაბრა და განმეორებით მატჩს წაგებული შეხვდება.

იდენტური ანგარიში დაფიქსირდა მონაკოსა და ბენფიკას დაპირისპირებაც. 48-ე წუთზე ვანგელის პავლიდისმა შეაგდო და პორტუგალიელებმა სტუმრად იმარჯვეს.