ჩემპიონთა ლიგა: ცენტრალური მატჩი ენფილდზე | დღის პრევიუ

ლივერპული მიმდინარე სეზონში შესანიშნავ ფორმაშია. გუნდი პრემიერ ლიგის ლიდერია, ჩემპიონთა ლიგის სატურნირო ცხრილში კი მე-3 ადგილზეა. რეალ მადრიდს ლიგის ფაზაზე არცისე კარგი სიტუაცია აქვს - გუნდი 21-ე პოზიციაზეა. მერსისაიდელებსა და მადრიდელებს შორის სხვაობა 6 ქულაა.

ინგლისურ გუნდს ბოლო წლებში "ლოს ბლანკოსის" წინააღმდეგ უჭირს და ბოლო 8 მატჩიდან 7 წაგებული აქვს, მათ შორის, ჩემპიონთა ლიგის 2 ფინალი. ეს მატჩი კი მათთვის ძალიან მნიშვნელოვანია, რომ მიმდინარე სეზონში წარმატებული სვლა განაგრძონ.

რეალ მადრიდი ლა ლიგაში კარგად ასპარეზობს, მაგრამ ჩემპიონთა ლიგაზე 4 ტურში 2 მატჩი წააგო, თანაც ორივე საკმაოდ მოულოდნელად - ლილთან 0-1 და მილანთან 1-3. კარლო ანჩელოტის შეგირდების ასეთ სტარტს არავინ ელოდა, რადგან გასულ სეზონში გუნდმა ეს ტურნირი მოიგო. მიუხედავად ამისა, იტალიელი სპეციალისტი თავდაჯერებულია - მან ლივერპულის წინააღმდეგ 11 შეხვედრიდან 8-ჯერ იმარჯვა.

ლივერპულიდან მოჰამედ სალაჰი დიდებულ სეზონს ატარებს და ცოტა ხნის წინ  საუთჰემპტონსაც 2 გოლი გაუტანა. 2 ფინალს წაგების შემდეგ, მას, რა თქმა უნდა, ესპანურ გუნდთან რევანშის სურვილი ექნება. რეალ მადრიდიდან კი გამოსარჩევია ტიბო კურტუა, რომელსაც მერსისაიდელთა წინააღმდეგ 6 მატჩში კარი მშრალად 4-ჯერ აქვს შენახული.

დღევანდელი მატჩების განრიგი:

21:45 | ცრვენა ზვეზდა 🆚 შტუტგარტი

21:45 | შტურმი 🆚 ჟირონა

23:55 | ასტონ ვილა 🆚 იუვენტუსი

23:55 | ბოლონია 🆚 ლილი

23:55 | სელტიკი 🆚 ბრიუგე

23:55 | დინამო ზაგრები 🆚 დორტმუნდი

23:55 | ლივერპული 🆚 რეალ მადრიდი

23:55 | მონაკო 🆚 ბენფიკა

23:55 | პსვ 🆚 შახტარი