"ჩემპიონთა ლიგაზე გასვლა რთული იქნება" — პეპ გვარდიოლა

მანჩესტერ სიტის მთავარმა მწვრთნელმა, პეპ გვარდიოლამ იფსვიჩთან მატჩის შემდეგ კომენტარი გააკეთა. 

"ფეხბურთელებით ბედნიერი ვარ, მოგებით კი - ძალიან კმაყოფილი. 3 ქულა ავიღეთ და სატურნირო ცხრილში ზემოთ ავიწიეთ, მაგრამ ამ სეზონში ჩემპიონთა ლიგაზე გასვლა რთული იქნება," — განაცხადა გვარდიოლამ.

სიტიმ იფსვიჩი სტუმრად 6-0 დაამარცხა. ამჟამად გუნდს 38 ქულა აქვს და მე-4 ადგილზეა — მის წინ ნოტინგემი (44 ქულა), არსენალი (44 ქულა) და ლივერპული (50) არიან.