ჩემპიონთა ლიგის დღე | არსენალი-პსჟ, ლევერკუზენი-მილანი, კაშია სიტის წინააღმდეგ და სხვა

არსენალი 🆚 პარი სენ-ჟერმენი | 23:00

დღის ცენტრალური შეხვედრა ლონდონში გაიმართება.

მიკელ არტეტას გუნდი მიმდინარე სეზონში შესანიშნავია. სიტისთან ფრის შემდეგ, არსენალმა დრამატულ მატჩში ლესტერი 4-2 დაამარცხა. "მეთოფეები" ამ მუხტის ჩემპიონთა ლიგაზე გადატანას გეგმავენ. პირველ ტურში ინგლისელებმა ატალანტასთან უგოლოდ ითამაშეს. არსენალი სახლში ძლიერია და იანვრის შემდეგ არ წაუგია. ლონდონურ კლუბს ფრანგულ გუნდებთან კარგი შედეგები აქვს - გასულ სეზონში მათ ლანსი 6-0 გაანადგურეს. თუმცა, ჩემპიონთა ლიგის ბოლო მატჩებში გატანა გაუჭირდათ.

პარი სენ-ჟერმენმა მიმიდნარე სეზონში კარი მშრალად მხოლოდ 2-ჯერ შეინახა. ჩემპიონთა ლიგაზე გუნდმა პირველ ტურში ჟირონა დაამარცხა, მაგრამ, ისტორიულად, ინგლისში კარგი შედეგები არ აქვს - პარიზელებმა აღნიშნულ ქვეყანაში ბოლო 3 გასვლითი მატჩი წააგეს. ამასთან, პსჟ-ს არსენალთან არასდროს მოუგია (3 ფრე, 1 წაგება). 

არსენალის სავარაუდო XI: რაია; ტიმბერი, სალიბა, მაგალიაესი, კალაფიორი; ჰავერცი, პარტეი, რაისი; საკა, ტროსარი, მარტინელი

პსჟ-ის სავარაუდო XI: საფონოვი; ჰაკიმი, მარკინიოსი, პაჩო, ბერალდო; რუისი, ნევეში, ზაირ-ემერი; ლი, კოლო მუანი, ბარკოლა

ლევერკუზენი 🆚 მილანი | 23:00

ლევერკუზენმა ჩემპიონთა ლიგის პირველ ტურში ფეინოორდი 4-0 გაანადგურა, შემდეგ კი ბუნდესლიგაში ბაიერნთან 1-1 ითამაშა.

უნდა აღინიშნოს, რომ ბაიერს იტალიურ გუნდებთან კარგი შედეგები არ აქვს, გასულ სეზონში კი ევროპა ლიგის ფინალში ატალანტასთან წააგო. სერია A-ს კლუბების წინააღმდეგ "ფარმატევტებს" ბოლო 5 საშინაო მატჩში მოგება არ აქვთ.

თავის მხრივ, ლივერპულთან წაგების (1-3) შემდეგ, მილანი ჩემპიონთა ლიგაზე პირველ გამარჯვებას ელის. ცოტა ხნის წინ პაულო ფონსეკას გუნდმა დერბიში ინტერს მოუგო, შემდეგ კი ლეჩე 3-0 დაამარცხა. "როსონერის" გერმანიაში 2002 წლის შემდეგ წაუგია.

მიუხედავად ამისა, მილანი გასვლაზე კარგად ვერ თამაშობს: ნიუკასლთან მოგებამდე, მათ 5-მატჩიანი მოუგებელი სერია ჰქონდათ.

ლევერკუზენის სავარაუდო XI: ჰრადეცკი; ტაპსობა, ტა, ინკაპიე; ფრიმპონგი, ჯაკა, ანდრიხი, გრიმალდო; ტერიე, ბონიფასი, ვირცი

მილანის სავარაუდო XI: მენიო; ემერსონი, გაბია, პავლოვიჩი, ტ. ერნანდესი; ფოფანა, რეინდერსი; პულიშიჩი, ლოფტუს-ჩიკი, ლეაუ; აბრაჰამი

სლოვანი 🆚 მანჩესტერ სიტი | 23:00

გასაგები მიზეზის გამო, ქართველებისთვის ეს მატჩიც ყურადღებას იქცევს - გურამ კაშია მანჩესტერ სიტის წინააღმდეგ ითამაშებს.

პირველ ტურში სელტიკთან 1-5 წაგების შემდეგ, სლოვანი ბევრად ძლიერ მეტოქეს ხვდება. გუნდების რესურსებს შორის ძალიან დიდი სხვაობაა - სიტის ყველაზე ძვირადღირებული ფეხბურთელი იმაზე მეტი ღირს, ვიდრე სლოვანის მთლიანი შემადგენლობა. ბრატისლაველებს ინგლისურ გუნდებთან ბოლო 5 მატჩში მოგება არ აქვთ.

მანჩესტერ სიტის როდრი და კევინ დე ბრუინი აკლია, თუმცა სლოვანთან ეს დიდ პრობლემას არ უნდა წარმოადგენდეს. პეპ გვარდიოლას გუნდს ძირითად დროში დეკემბრის შემდეგ არ წაუგია და ჩემპიონთა ლიგაზე შთამბეჭდავი წაუგებელი სერია აქვს.

სლოვანი სავარაუდო XI: ტაკაჩი; ბლექმანი, კაშია, ვიმერი, ზუბერუ; ბაირიჩი, სიოკე; ბერსეგიანი, ტოლიჩი, ვაისი; სტრელეცი

სიტის სავარაუდო XI: ორტეგა; უოკერი, დიაში, აკანჯი, გვარდიოლი; ნუნიეში, კოვაჩიჩი; სავინიო, ფოდენი, დოკუ; ჰოლანდი